Year: 2025

जनकपुरधाम । नेकपा एमालेका केन्द्रीय सचिव रघुवीर महासेठले नेकपा (एस)का अध्यक्ष माधवकुमार नेपाल र माओवादी केन्द्रका अध्यक्ष पुष्पकमल दाहाल ‘प्रचण्ड’ को नीति तथा कार्यक्रम विदेशी इसारामा तय हुने आरोप लगाएका छन्। शनिबार जनकपुरधाममा आयोजित वडा केन्द्रित पार्टी निर्माण अभियान अन्तर्गतको अभिमुखीकरण कार्यक्रममा बोल्दै महासेठले एमालेको नीति कार्यक्रम जनताको चाहना अनुरूप निर्धारण हुने दाबी गरे। उनले एमालेमा १५ वर्षसम्म नेता भएर बसेका माधव नेपाल र प्रचण्डले आफ्ना नयाँ दलको नीति विदेशीको निर्देशनमा बनाउने गरेको आरोप लगाए। महासेठले नेकपा एमाले आज जुन स्थानमा छ, त्यसको मुख्य कारण पार्टीका लागि समर्पित नेता-कार्यकर्ताहरूको निरन्तर संघर्ष रहेको बताए। उनले एमाले छोडेर नयाँ पार्टी बनाउने नेताहरूको…

काठमाडौं । प्रधानमन्त्री तथा मन्त्रिपरिषद् कार्यालयले सार्वजनिक गरेको अर्धवार्षिक मन्त्रालयगत प्रगति मूल्यांकनमा स्वास्थ्य तथा जनसंख्या मन्त्रालयले उत्कृष्ट प्रदर्शन गर्दै दोस्रो स्थान हासिल गरेको छ। स्वास्थ्य तथा जनसंख्या मन्त्रालयका प्रवक्ता डा. प्रकाश बुढाथोकीका अनुसार मन्त्रालयले ५२ कुल लक्ष्यमध्ये पुष मसान्तसम्ममा सम्पन्न गर्नुपर्ने ११ काममध्ये ९ कार्य सफलतापूर्वक सम्पन्न गरिसकेको छ। प्रधानमन्त्री तथा मन्त्रिपरिषद् कार्यालयको प्रतिवेदनअनुसार, मन्त्रालयले सामाजिक क्षेत्रका माइलस्टोनहरूमा ८१.८ प्रतिशत प्रगति हासिल गरेको छ। यसैगरी, निश्चित लक्ष्य प्राप्त गर्नुपर्ने माइलस्टोनको सूचकमा मन्त्रालयले ७० अंक प्राप्त गरेको छ, जुन सामाजिक क्षेत्रमा कार्यरत मन्त्रालयहरूमध्ये सबैभन्दा उच्च हो। स्वास्थ्य तथा जनसंख्या मन्त्रालयले देखाएको प्रभावशाली कार्यसम्पादनका कारण कार्यालयले मन्त्रालयलाई ८१.८ अंक प्रदान गरेको छ।…

काठमाडौं, फागुन ४ – राष्ट्रिय युवा संघ नेपालले तेस्रो संस्करणको ‘केपी ओली कप २०८१’ फुटबल प्रतियोगिता फागुन ११ देखि १९ गतेसम्म आयोजना गर्ने भएको छ। प्रतियोगिताका क्वार्टरफाइनलसम्मका खेलहरू अखिल नेपाल फुटबल संघ (एन्फा) कम्प्लेक्स, सातदोबाटोमा हुनेछन्। सेमिफाइनल खेलहरू फागुन १६ र १७ गते दशरथ रंगशाला, त्रिपुरेश्वरमा हुनेछ। फाइनल खेल फागुन १९ गते दशरथ रंगशालामै सम्पन्न हुनेछ। शनिबार काठमाडौंमा आयोजित पत्रकार सम्मेलनमा आयोजकले प्रतियोगितासम्बन्धी विस्तृत जानकारी दिएको हो। आयोजकका अनुसार यो प्रतियोगिता नेपाली फुटबलको विकास र युवा खेलाडीहरूलाई अवसर प्रदान गर्न आयोजित गरिएको हो। प्रतियोगितामा नेपालका ६ ‘ए डिभिजन’ क्लब, २ विदेशी टोली तथा १ आयोजक टोली गरी ९ टोली सहभागी…

काठमाडौं । नेपाली चलचित्रप्रेमीहरूका लागि प्रतीक्षित ‘होस्टेल ३’ को ट्रेलर सार्वजनिक गरिएको छ। शुक्रबार काठमाडौंमा आयोजित एक विशेष समारोहका बीच चलचित्रको अफिसियल ट्रेलर सार्वजनिक गरिएको हो। सम्मान इन्टरटेनमेन्ट र आरोन कन फिल्म प्रा.लि.को संयुक्त ब्यानरमा निर्माण भएको यो चलचित्र फागुन २३ गते देशभर प्रदर्शनमा आउनेछ। कलेज र होस्टेल जीवनका रमाइला तथा चुनौतीपूर्ण क्षणलाई दर्शाउने ट्रेलरले युवा पुस्तालाई विशेष रूपमा आकर्षित गर्ने अपेक्षा गरिएको छ। चलचित्रमा पारस बम ठकुरी, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुली लगायतका कलाकारको अभिनय रहेको छ। अभिनेता प्रवीण खतिवडा वार्डेनको भूमिकामा देखिँदा आशिष पुरुष, रोहन श्रेष्ठ, उमर खान र सन्तोष बानियाँ…

बागमती । सातौं बागमती गोल्डकप राष्ट्रिय फुटबल प्रतियोगितामा थ्री स्टार क्लबले प्रभावशाली जित निकाल्दै सेमिफाइनलमा स्थान सुरक्षित गरेको छ। मंगलबार बागमती–४ स्थित सहिद स्मृति रंगशालामा सम्पन्न दोस्रो क्वार्टरफाइनल खेलमा थ्री स्टारले हिमालयन शेर्पा क्लबलाई ४-० गोलअन्तरले पराजित गर्यो। थ्री स्टारका खेलाडीहरूले पहिलो हाफमै उत्कृष्ट प्रदर्शन गर्दै चार गोल गरेका थिए। खेलको तेस्रो मिनेटमै सुशील राईले थ्री स्टारलाई अग्रता दिलाए भने १७औं मिनेटमा नवीन लामाले गोल गर्दै टिमको पकड बलियो बनाए। २४औं मिनेटमा विदेशी खेलाडी फोफनाले गोल थप्दै खेलको गति तीव्र बनाए। ३४औं मिनेटमा थ्री स्टारले थप एक गोल गर्दै हिमालयन शेर्पालाई पूर्ण रूपमा दबाबमा राख्यो। खेलको म्यान अफ द म्याच…

इटहरी – १५औं अन्तर्राष्ट्रिय आमन्त्रण इटहरी गोल्ड कप फुटबल प्रतियोगिताको सेमिफाइनलमा मच्छिन्द्र फुटबल क्लब काठमाडौं प्रवेश गरेको छ। सोमबार इटहरी रंगशालामा सम्पन्न क्वाटरफाइनल खेलमा मच्छिन्द्रले झापा ११ लाई १–० गोलको अन्तरले पराजित गर्दै अन्तिम चारमा स्थान पक्का गर्यो। मच्छिन्द्रका लागि खेलको ३१औं मिनेटमा मलिक बामिदेले युसुफको उत्कृष्ट गोल नै टिमको जितका लागि निर्णायक बन्यो। झापा ११ ले खेलभर उत्कृष्ट प्रदर्शन गरे पनि गोल फर्काउने अवसर गुमाउँदै प्रतियोगिताबाट बाहिरिन बाध्य भयो। प्रतियोगिता अन्तर्गत मंगलबार चर्च ब्वाइज युनाइटेड काठमाडौं र धरान फुटबल क्लबबीच अन्तिम क्वाटरफाइनल भिडन्त हुनेछ। इटहरी रंगशालामा फागुन १० गतेसम्म सञ्चालन हुने यस प्रतिष्ठित प्रतियोगिताको विजेताले नगद १० लाख रुपैयाँ…

काठमाडौं– चौथो क्योकुसिन तेजुका कप विश्व कराते च्याम्पियनसिपमा सहभागी हुन ५ सदस्यीय नेपाली टोली बुधबार जापान प्रस्थान गर्ने भएको छ। नेपालका तर्फबाट कातामा दावा शेर्पा र कुमुतेमा मनीष कार्कीले प्रतिस्पर्धा गर्नेछन्। प्रतियोगिता फागुन ९ देखि १३ गतेसम्म जापानको सेन्डाइ र फुकुओकामा आयोजना हुनेछ, जहाँ नेपालका खेलाडी फुकुओकामा प्रतिस्पर्धा गर्नेछन्। नेपाली टोलीमा नेपाल क्योकुसिन कराते (ईको) संघका अध्यक्ष दमन बस्नेत, महासचिव संगीत बस्नेत, र प्रशिक्षक रोशन कपाली छन्। साथै, अध्यक्ष बस्नेत निर्णायकको रूपमा पनि भूमिका निर्वाह गर्नेछन्। मंगलबार आयोजित बिदाइ कार्यक्रममा कातामा दावा शेर्पा र कुमुतेमा मनीष कार्कीले करातेका केही डेमोन्स्ट्रेशन प्रस्तुत गरे। उनीहरूको उत्कृष्ट प्रदर्शनले उपस्थित दर्शक तथा अतिथिहरूलाई प्रभावित…

बागमती– सातौं संस्करणको बागमती गोल्डकप राष्ट्रिय फुटबल प्रतियोगिताअन्तर्गत चर्च व्वाइज युनाइटेड सेमिफाइनलमा प्रवेश गरेको छ। सोमबार बागमती–४ स्थित सहिद स्मृति रंगशालामा सम्पन्न पहिलो क्वाटरफाइनल खेलमा चर्च व्वाइजले विभागीय टोली त्रिभुवन आर्मी क्लबलाई टाइब्रेकरमा ५–४ गोलले पराजित गर्दै अन्तिम चारमा स्थान बनाएको हो। निर्धारित ९० मिनेटको खेल गोलरहित बराबरीमा सकिएपछि नतिजा टाइब्रेकरबाट निर्धारण गरिएको थियो। टाइब्रेकरमा चर्च व्वाइजका अर्मान विडम, सुमित श्रेष्ठ, दिपेश गुरुङ, सुजल डंगोल र विदेशी खेलाडी अनयोमीले गोल गरे। त्रिभुवन आर्मीका तर्फबाट विमल पाण्डे, फत्तेमान घले, जर्ज प्रिन्स कार्की र जिलेस्पी जंग कार्कीले गोल गरे भने नरेश खत्रीको प्रहार चर्च व्वाइजका गोलरक्षक टेकेन्द्रसिंह थापाले उत्कृष्ट बचाउ गर्दै टोलीलाई…