काठमाडौं – विद्यावाणी पाठशालाले १०औं अर्किड कप अन्तरविद्यालय जुनियर छात्र फुटबल प्रतियोगिताको उपाधि आइतबार हात पारेको छ।
काँडाघारीस्थित आयोजक अर्किड प्युपल स्कुलको मैदानमा भएको फाइनल खेलमा विद्यावाणीले एकलब्स शिक्षा सदनलाई टाइब्रेकरमा ४–३ गोलले पराजित गर्यो। निर्धारित समयमा खेल १–१ गोलको बराबरीमा सकिएपछि निर्णय टाइब्रेकरबाट गरिएको थियो।
यस प्रतियोगितामा विद्या विकास तेस्रो तथा निर्मल ज्योति चौथो स्थानमा रहे।
शीर्ष चार स्थानमा रहने टोलीले क्रमशः ४० हजार, २५ हजार, १५ हजार र १० हजार रुपैयाँ नगद पुरस्कार प्राप्त गरेको आयोजक अर्किड प्युपल स्कुलका संस्थापक प्रेमकुमार भुजेलले जानकारी दिए।
व्यक्तिगत पुरस्कारतर्फ विद्यावाणीका एकेन्द्र बुढा उत्कृष्ट खेलाडी घोषित भए भने विद्यावाणीकै श्रृयान भट्टराई उत्कृष्ट गोलरक्षक बने। विद्या विकासका अभिषेक कुमार उदीयमान खेलाडी र एकलब्यका निरज मगर सर्वाधिक गोलकर्ताको उपाधि जित्न सफल भए। एजीएमले अनुशासित टोलीको ट्रफी हात पार्यो।
