काठमाडौं – भारतको राँचीमा हुने दक्षिण एसियाली सिनियर एथलेटिक्स च्याम्पियनसिपमा सहभागी हुन ३० सदस्यीय नेपाली टोली बुधबार भारत प्रस्थान गर्ने भएको छ। प्रतियोगिता अक्टोबर २४ देखि २६ तारिखसम्म चल्नेछ।
नेपाल एथलेटिक्स संघका अनुसार प्रतियोगितामा २६ जना खेलाडीले विभिन्न विधामा प्रतिस्पर्धा गर्ने छन्। सहभागी खेलाडीहरूमा मुकेश पाल, राजन रोकाया, सोम कुमाल, सलिन देवान, सन्तोषी श्रेष्ठ, पूर्णलक्ष्मी न्यौपाने, सुशील केसी, शिवराज पार्की, अरुण महतो, रामचन्द्र थारु, तिलक विक, युवराज विक, गणेशसिंह रावत, नागेश्वर ऐर, चन्द्रदेव जोशी, प्रवीण राना, बसन्ती चौधरी, सिमाकुमारी थारु, जयरानी थारु, सिता शाही, सर्मिलाकुमारी थारु, सरस्वती चौधरी, रन्जिता अधिकारी, डिना गोपाली र नारायणी भण्डारी रहेका छन्।
टोलीको नेतृत्व व्यवस्थापक दिपेन्द्रकुमार गोइतले गर्ने छन् भने प्रशिक्षकमा राकेश वज्राचार्य र धनीराम चौधरी, तथा अफिसियलमा अनिरुद्र चौधरी रहेका छन्।
नेपाल टोलीलाई राष्ट्रिय खेलकुद परिषद्का सदस्य–सचिव टंकलाल घिसिङले सोमबार एक विशेष कार्यक्रमबीच बिदाइ गरेका थिए।
उनले टोलीलाई सफलताको शुभकामना दिंदै नेपालको प्रदर्शनले देशको एथलेटिक्स क्षेत्रको स्तर उकास्ने विश्वास व्यक्त गरे।
यो च्याम्पियनसिपमा दक्षिण एसियाली राष्ट्रहरूका उत्कृष्ट खेलाडीहरूले प्रतिस्पर्धा गर्नेछन्, जहाँ नेपालले पदक जित्ने लक्ष्यसहित सहभागिता जनाएको छ।
