स्थानीय तह विशेष

काठमाडौं – काठमाडौँ महानगरपालिकाले जोखिमपूर्ण अवस्थाबाट ७३ जना बालबालिकालाई उद्धार गरेको छ। उद्धार गरिएका मध्ये ४१ जना बालक र ३२ जना बालिका रहेका छन्। महानगरपालिकाका अनुसार उद्धार गरिएका बालबालिकामध्ये ३८ जनालाई बाल संरक्षण गृहमा राखिएको छ भने ३४ जनालाई परिवारसँग पुनर्मिलन गराइएको छ। यस क्रममा ७ जना बालबालिकासम्बन्धी गम्भीर घटनामा न्यायिक प्रक्रिया अगाडि बढाइएको छ। तीमध्ये ४ जना जबरजस्ती करणी, २ जना बाल यौन दुव्र्यवहार तथा १ जना बालिकालाई कुटपिट र दास बनाएको अभियोगमा मुद्धा दायर गरिएको छ। महानगरले पछिल्ला दुई घटनामा मनोसामाजिक प्रतिवेदन तथा संयुक्त अनुगमन प्रतिवेदनलाई जाहेरी सरह मान्दै कारबाही अघि बढाएको जनाएको छ। काठमाडौं महानगरपालिका सामाजिक न्याय…

पोखरा। तनहुँको म्याग्दे गाउँपालिकाले आगामी फागुन १३ गतेदेखि दोस्रो अध्यक्ष कप २०८१ आयोजना गर्ने भएको छ। बिहीबार पोखरामा आयोजित पत्रकार सम्मेलनमा गाउँपालिकाले प्रतियोगिताको विस्तृत जानकारी गराएको हो। 'स्वास्थ्यका लागि खेलकुद, राष्ट्रका लागि खेलकुद' भन्ने नारासहित आयोजना हुन लागेको अध्यक्ष कप अन्तर्गत गण्डकी प्रदेशभित्रका पालिकास्तरीय ११ 'ए' साइड पुरुष फुटबल, तनहुँ जिल्लास्तरीय 'सी' लेभल ब्याडमिन्टन तथा म्याग्दे गाउँपालिका वडास्तरीय पुरुष तथा महिला भलिबल प्रतियोगिता समावेश छन्। गाउँपालिका अध्यक्ष श्रीप्रसाद श्रेष्ठका अनुसार नयाँ खेलाडी उत्पादन गर्ने उद्देश्यले आयोजना गरिएको पालिकास्तरीय फुटबल प्रतियोगिता म्याग्दे–५ छाङ्ग पाटन खेलमैदानमा हुनेछ। प्रतियोगिताका विजेताले ३ लाख तथा उपविजेताले १ लाख ५० हजार रुपैयाँ पुरस्कार प्राप्त गर्नेछन्। साथै,…