काठमाडौँ – जिल्ला रोल्पा, माडी गाउँपालिका वडा नं १ जवाड निवासी हाल काठमाडौँ महानगरपालिका, कलंकी बस्ने २९ वर्षीय रण बहादुर घर्तीले ८ जनालाई बैदेशिक रोजगारीको लागि क्यानडा पठाइदिन्छु भन्दै ठगी गरेको आरोपमा पक्राउ परेका छन्।
घर्तीले पीडितहरूसँग क्यानडामा आकर्षक रोजगारको प्रलोभनमा परेर प्रतिव्यक्ति ३५ लाख रूपैयाँ बुझाउन भनेका थिए। उनले क्यानडामा पुगेपछि मासिक ४ लाख रूपैयाँ तलब हुने गरी कम्पनीमा काम लगाइदिने आश्वासन दिएर विभिन्न समयमा जम्मा १ करोड ६५ लाख रूपैयाँ ठगी गरेको बताइएको छ।
