Day: January 20, 2026

काठमाडौं। नेपाल अन्तर्राष्ट्रिय तेक्वान्दो महासंघ (आईटीएफ) को आयोजनामा २५औँ राष्ट्रिय आईटीएफ तेक्वान्दो प्रतियोगिता आगामी बैशाख ४–५ गते काठमाडौंमा हुने भएको छ। सही अवधिमा दोस्रो यु–१५ विद्यालयस्तरीय आईटीएफ तेक्वान्दो प्रतियोगिता पनि आयोजक महासंघका महासचिव घमबहादुर थापाका अनुसार काठमाडौंमै हुने छ। यसैगरी, राष्ट्रिय टेक्निकल सेमिनार अब जेठ २९–३० गते काठमाडौंमा आयोजना गरिने निर्णय महासंघका अध्यक्ष प्रवीणकुमार कार्कीको अध्यक्षतामा बसेको पदाधिकारी बैठकले गरेको हो।

काठमाडौं। अन्तर्राष्ट्रिय स्तरमा पदक जितेर नेपालको नाम उज्यालो बनाएकी उमा कुङफु खेलाडी सरिना घलेलाई घले समाज युकेले नगदसहित सम्मान गरेको छ। युकेमा आयोजित कार्यक्रममा ल्होछारको अवसर पारेर सरिनालाई ४ सय पाउन्ड नगद र प्रशंसा पत्र प्रदान गरिएको हो। उनलाई गोर्खा अभियन्ता पुष्पा राणा घले र घले समाज युकेका अध्यक्ष रिटायर्ड मेजर विष्णुबहादुर घलेले सम्मान गरेका हुन्। नेपाल उमा कुङफु संघका अध्यक्ष संजीतकुमार राईका अनुसार अन्तर्राष्ट्रिय प्रतियोगितामा पदक जितेर देशको गौरव बढाएको योगदानको कदर गर्दै सरिनालाई सम्मान गरिएको हो। सरिनाले युकेमा आयोजित दुई ठूला अन्तर्राष्ट्रिय प्रतियोगिता डब्लुएमएसी ब्रिटिस ओपन च्याम्पियनसिप र डब्लुएमएसी इङ्लिस च्याम्पियनसिप मा स्वर्ण पदक जितेकी थिइन्। यसअघि पनि…

काठमाडौं। छैटौँ मेयर कप तथा १०औं केभिन रोहन स्मृति उपत्यकाव्यापी कराते च्याम्पियनशिप र तेस्रो क्योकुशिन अलाइट अन्तर्राष्ट्रिय कराते प्रतियोगिता माघ २३ र २४ गते दक्षिणकाली नगरपालिका–१, चाल्नाखेलमा आयोजना हुने भएको छ। दुईदिने प्रतियोगितामा पुरुष र महिला गरी विभिन्न तौलसमूहमा नेपाली तथा विदेशी खेलाडीको सहभागिता रहनेछ। नेपालका सातै प्रदेशका खेलाडीहरू विभिन्न डोजोबाट सहभागी हुनेछन् भने भारत, अस्ट्रेलिया र बंगलादेशका खेलाडीहरूको समेत सहभागिता रहने आयोजकले जनाएको छ। प्रतियोगितामा करिब २०० खेलाडी सहभागी गराउने लक्ष्य लिइएको छ। प्रतियोगिताअन्तर्गत छैटौँ मेयर कप राष्ट्रिय कराते च्याम्पियनशिप, दशौँ केभिन रोहन मेमोरियल च्याम्पियनशिप तथा डान टेस्ट कार्यक्रम २०२६ समावेश गरिएको छ। विजयी खेलाडीहरूलाई सिल्ड, मेडल, प्रमाणपत्र तथा…