काठमाडौं — आईसीसी महिला टी–२० विश्वकप छनोटअन्तर्गतको आठौँ खेलमा नामिबियाले संयुक्त राज्य अमेरिका लाई १४५ रनको लक्ष्य दिएको छ।
टस जितेर अमेरिकाले पहिले फिल्डिङ गर्ने निर्णय गरेपछि ब्याटिङमा उत्रिएको नामिबियाले निर्धारित २० ओभरमा प्रतिस्पर्धात्मक योगफल तयार गरेको हो। नामिबियाका लागि यासमिन खानले शानदार ब्याटिङ गर्दै ४७ बलमा ७४ रन जोडिन्। उनलाई मर्सेरली गोरासेसले २८ रन बनाएर साथ दिइन्।
त्यसैगरी सुनि विटम्यानले ८, विल्का म्वाटिलेले १५, जुरिएने डियरगार्ड्टले ११, मेकलाये म्वाटिलेले ४ र नाओमी बेन्जामिनले २ रनको योगदान गरिन्।
अमेरिकाको बलिङतर्फबाट तारा नोरिस प्रभावशाली देखिइन्, उनले ३ विकेट लिइन्। इसानी वाघेलाले २ विकेट हात पार्दा सान्वी इम्माडीले १ विकेट लिइन्।
