Day: June 5, 2025

काठमाडौं — पूर्वप्रधानमन्त्री तथा नेकपा (एकीकृत समाजवादी) का अध्यक्ष माधवकुमार नेपालविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले पतञ्जलीको नाममा रहेको जग्गा हिनामिना प्रकरणमा विशेष अदालतमा अध्यक्ष नेपालसहित ९३ जनाविरुद्ध मुद्दा दायर गरेको हो। उनीहरूमध्ये पूर्वकानुनमन्त्री प्रेमबहादुर सिंह, तत्कालीन भूमि सुधार सचिव छविराज पन्तलगायत रहेका छन्। अध्यक्ष नेपालसँग १८ करोड ५८ लाख ५० हजार रुपैयाँ बिगो माग गरिएको अख्तियारले जनाएको छ। काभ्रेपलाञ्चोकमा रहेको पतञ्जली योगपीठ तथा आयुर्वेदिक कम्पनीका नाममा हदबन्दी छुटको जग्गा खरिदबिक्री गरिएको विषयमा अनुसन्धानपछि मुद्दा दायर गरिएको हो। २०६६ सालमा माधवकुमार नेपाल प्रधानमन्त्री रहँदा मन्त्रिपरिषद्बाट निर्णय गरेर उक्त हदबन्दी छुटको जग्गा खरिद गर्ने स्वीकृति दिइएको थियो।…

काठमाडौं । आइसिसी विश्वकप लिग–२ अन्तर्गत बुधबार स्कटल्यान्डको डुन्डेस्थित फोर्थहिल क्रिकेट मैदानमा सम्पन्न खेलमा नेपालले नेदरल्यान्ड्सलाई पाँच विकेटले पराजित गर्दै महत्त्वपूर्ण जित दर्ता गरेको छ। नेदरल्यान्ड्सले प्रस्तुत गरेको २२६ रनको लक्ष्य नेपालले ४७.१ ओभरमा पाँच विकेटको क्षतिमा पुरा गर्‍यो। यस जितसँगै नेपालले प्रतियोगितामा १४ खेलमा १० अंक जोड्दै लिग तालिकाको सातौँ स्थानमा उक्लिएको छ। नेपालको जितमा आरिफ शेखले ७८ रनको अर्धशतकीय पारी खेले। उनले ९९ बलमा पाँच चौका प्रहार गरे। उपकप्तान दीपेन्द्र सिंह ऐरीले ५१ बलमा अविजित ३८ रन बनाउँदै आरिफसँग पाँचौँ विकेटका लागि ८९ रनको साझेदारी गरे, जसले जितमा निर्णायक भूमिका खेल्यो। ओपनर कुशल भुर्तेलले ४२ बलमा २५ रन…