05
Mar
काठमाडौं – नेपाली महिला क्रिकेट टोलीलाई युगाण्डामा हुने चारदेशीय टी–२० अन्तर्राष्ट्रिय (टी–२०आई) शृंखलाका लागि बुधबार बिदाइ गरिएको छ। नेपाल क्रिकेट संघ (क्यान) ले मुलपानीस्थित आफ्नो कार्यालयमा विशेष कार्यक्रम आयोजना गरी टोलीलाई बिदाइ गरेको हो। फागुन २४ देखि सुरु हुने प्रतियोगितामा नेपालसहित युगाण्डा, हङकङ, र नामिबिया सहभागी छन्। बिदाइ समारोहमा क्यानका सचिव पारस खड्काले नेपाली टोलीलाई शुभकामना दिँदै नयाँ वातावरणमा खेल्नु महत्वपूर्ण अनुभव हुने बताएका छन्। उनले महिला क्रिकेटप्रति चासो बढ्दै गएको उल्लेख गर्दै अब जित–हारको मुल्यांकनसमेत गहिरो रूपमा गर्न थालिएको बताएका छन्। उनले भने, “हामी नयाँ ठाउँमा क्रिकेट खेल्न गइरहेका छौं। खेलाडिहरूले जति धेरै नयाँ स्थानमा खेल्छन्, उति धेरै अनुभव…
