Day: October 30, 2025

काठमाडौं — रोटरी क्लब अफ हिमालयन गल्फर्स (आरसीएचजी) र उदयिमान युवा गल्फर अवानी राईबीच बुधबार सम्झौता भएको छ। व्यावसायिक गल्फ तालिम तथा अध्ययनका लागि अवानीको अभिभावक मनोज खालिङ र क्लबका अध्यक्ष दमन घलेबीच सम्झौता भएको हो। सम्झौता अनुसार, आरसीएचजीले अवानीलाई भारतको बेंगलोरस्थित तरुण सरदेसाई गल्फ एकेडेमीमा एक वर्षको प्रशिक्षण छात्रवृत्ति प्रदान गर्नेछ। सो अवधिमा उनको अध्ययन पनि सँगै अघि बढाइनेछ। अवानीको तालिम र अध्ययनमा लाग्ने कुल खर्च मध्ये ८० प्रतिशत आरसीएचजीले र बाँकी २० प्रतिशत परिवारले व्यहोर्नेछ। यो छात्रवृत्ति आरसीएचजीको प्रमुख परियोजना “गल्फ फर अल” अन्तर्गतको पहिलो कार्यक्रम हो। यस कार्यक्रमको उद्देश्य देशभरका युवाहरू, विशेषगरी महिलाहरूलाई गल्फ खेलप्रति आकर्षित गर्दै…

काठमाडौं— होटल मिस्टिक माउन्टेनको आयोजनामा मिस्टिक माउन्टेन ग्रान्ड ओपन टेनिस प्रतियोगिता आगामी कात्तिक १८ गतेदेखि सुरु हुने भएको छ। प्रतियोगिता संयोजक सूर्यभूषण वज्राचार्यका अनुसार सात उमेर समूह र दुई खुला गरी जम्मा १६ स्पर्धामा करिब २०० खेलाडीले सहभागिता जनाउनेछन्। प्रतियोगितामा यू–८, यू–९, यू–१०, यू–१२, यू–१४ र यू–१६ का बालक तथा बालिका सिंगल्स, साथै यू–१६ बालक तथा बालिका डबल्समा प्रतिस्पर्धा हुनेछ।खुला वर्गमा पुरुष र महिला सिंगल्सका खेल हुनेछन्। दोस्रो संस्करणको प्रतियोगितामा उमेरसमूहका स्पर्धालाई निरन्तरता दिँदै खुला वर्गका प्रतिस्पर्धा थप गरिएको हो। सबै स्पर्धामा नगद पुरस्कार राखिएको आयोजकले जनाएको छ। नेपाल टेनिस संघको सहयोग र जुनियर टेनिस इनिसिएटिभ (JTI) को संयोजनमा आयोजना…