Day: June 30, 2025

पोखरा — पोखराको रंगशालास्थित ह्याण्डबल कोर्टमा सम्पन्न गण्डकी कप राष्ट्रिय महिला ह्याण्डबल प्रतियोगिताको उपाधि विभागीय टोली एपिएफ क्लबले आफ्नो नाम गरेको छ। त्रिभुवन आर्मीलाई फाइनलमा ३१–१७ ले पराजित गर्दै एपिएफले विजेता भएर एक लाख रुपैयाँसहित शिल्ड, मेडल र प्रमाणपत्र प्राप्त गरेको छ भने उपविजेता आर्मीले ५० हजार रुपैयाँ हात पारेको छ। नवौं राष्ट्रिय खेलकुद पश्चात ह्याण्डबलको सबैभन्दा ठूलो प्रतियोगिताको रुपमा मानिएको यस टूर्नामेन्टमा ८ टोलीले सहभागिता जनाएका थिए। प्रतियोगिता १२ गतेदेखि १४ गतेसम्म चलेको थियो। आयोजक गण्डकी प्रदेशसहित बागमति, मधेश, लुम्बिनी, कर्णाली प्रदेश र विभागीय क्लब एपिएफ तथा आर्मीले प्रतिस्पर्धा गरेका थिए। प्रतियोगिता लिग कम नकआउट विधिबाट संचालन गरिएको थियो।…