दमन बस्नेत

काठमाडौं– चौथो क्योकुसिन तेजुका कप विश्व कराते च्याम्पियनसिपमा सहभागी हुन ५ सदस्यीय नेपाली टोली बुधबार जापान प्रस्थान गर्ने भएको छ। नेपालका तर्फबाट कातामा दावा शेर्पा र कुमुतेमा मनीष कार्कीले प्रतिस्पर्धा गर्नेछन्। प्रतियोगिता फागुन ९ देखि १३ गतेसम्म जापानको सेन्डाइ र फुकुओकामा आयोजना हुनेछ, जहाँ नेपालका खेलाडी फुकुओकामा प्रतिस्पर्धा गर्नेछन्। नेपाली टोलीमा नेपाल क्योकुसिन कराते (ईको) संघका अध्यक्ष दमन बस्नेत, महासचिव संगीत बस्नेत, र प्रशिक्षक रोशन कपाली छन्। साथै, अध्यक्ष बस्नेत निर्णायकको रूपमा पनि भूमिका निर्वाह गर्नेछन्। मंगलबार आयोजित बिदाइ कार्यक्रममा कातामा दावा शेर्पा र कुमुतेमा मनीष कार्कीले करातेका केही डेमोन्स्ट्रेशन प्रस्तुत गरे। उनीहरूको उत्कृष्ट प्रदर्शनले उपस्थित दर्शक तथा अतिथिहरूलाई प्रभावित…