यो परियोजना फिफा अध्यक्ष जियानी इन्फान्टिनो, WTO निर्देशक डा. न्गोजी ओकोंजो-इवेला, WHO निर्देशक डा. टेड्रोस अधानोम गेहब्रेयसस, UNHCR उच्चायुक्त फिलिप्पो ग्रान्डी र सुप्रीम कमिटी फर डेलिभरी एन्ड लेगेसी (SC) का महासचिव एच.ई. हसन अल थावादीको उपस्थितिमा भर्चुअल बैठकमार्फत प्रस्तुत र हस्ताक्षर गरिएको हो। यो फन्डले चार मुख्य स्तम्भहरूमा आधारित सामाजिक प्रभाव परियोजनाहरूमा लगानी गर्नेछ जस्मा शरणार्थी कार्यक्रमहरू, सार्वजनिक स्वास्थ्य तथा कार्यस्थल सुरक्षा, शिक्षा र फुटबल विकास छन।
फिफा अध्यक्ष जियानी इन्फान्टिनोले भने, “फिफा विश्वकप कतार २०२२ लेगेसी फन्ड एक ऐतिहासिक परियोजना हो जसले फुटबल खेलको दायराभन्दा बाहिर सामाजिक सुधारमा योगदान पुर्याउनेछ। यो परियोजनामा हाम्रो साझेदारहरूको प्रतिबद्धताका लागि धन्यवाद दिन चाहन्छु।”
SC महासचिव हसन अल थावादीले थपे, “फिफा विश्वकपको शक्ति सकारात्मक प्रभाव पार्नमा प्रयोग गर्न हामी सँधै प्रतिबद्ध थियौं। यो परियोजनाले हाम्रो क्षेत्र र विश्वव्यापी रूपमा जीवन सुधारमा योगदान पुर्याउनेछ।”
UNHCR उच्चायुक्त फिलिप्पो ग्रान्डीले भने, “खेलकुदले युद्ध, द्वन्द्व र उत्पीडनबाट पीडितहरूलाई आशा र सशक्तिकरणको माध्यम दिन सक्छ। यो परियोजनाले लाखौं विस्थापित व्यक्तिहरूलाई दीर्घकालीन अवसरहरू प्रदान गर्नेछ।”
WHO निर्देशक डा. टेड्रोसले भने, “खेलकुद र स्वास्थ्यको साझेदारीले सबैका लागि सुरक्षित र स्वस्थ वातावरण सिर्जना गर्न मद्दत पुर्याउनेछ।”
WTO निर्देशक डा. न्गोजी ओकोंजो-इवेलाले भनिन्, “यो सहकार्यले डिजिटल उपकरणहरूको उपयोग गरेर महिलाहरूलाई विश्वव्यापी व्यापार श्रृंखलामा पहुँच पुर्याउन मद्दत गर्नेछ।”
फिफा विश्वकप कतार २०२२ लेगेसी फन्डको यस ऐतिहासिक परियोजनाले सामाजिक न्याय, स्वास्थ्य, शिक्षा र खेल विकासमा दीर्घकालीन प्रभाव पार्ने विश्वास गरिएको छ।
स्रोत: फिफा
