काठमाडौं — नेपाल विद्यालय खेलकुद महासंघ (एनएसएसएफ) र इसीइटीएको संयुक्त आयोजनामा १३ औं किन्डर ओलम्पिक पुस महिनामा आयोजना हुने भएको छ। कार्यक्रम पुस १२ र १५ गते त्रिपुरेश्वरस्थित दशरथ रंगशालामा गर्न लागिएको आयोजकले जानकारी दिएको छ।
विद्यालय खेलकुद महासंघका महासचिव राजकुमार कार्कीका अनुसार कार्यक्रममा नेपालय इन्टरनेसनल, प्याब्सन, एनप्याब्सन, अपेन, एनएमए, इसीइटीए लगायतका संस्थाहरूका साथै देशभरका प्रि–स्कुल र प्राइमरी तहमा अध्ययनरत बालबालिकासहित करिब ५ हजार सहभागी रहने अपेक्षा गरिएको छ।
आगामी प्रतियोगिता तथा व्यवस्थापनबारे बुधबार आयोजक संस्थाहरूबीच थप छलफल सम्पन्न भएको पनि महासंघले जनाएको छ।
