मोरङ– मोरङ जिल्लामा डजबल खेलको प्रवर्द्धन र संस्थागत विकासका लागि मोरङ जिल्ला डजबल संघको तदर्थ समिति गठन गरिएको छ। नेपाल डजबल महासंघका संस्थापक महासचिव तथा केन्द्रिय प्रतिनिधि अरुण तिमल्सिनाको अध्यक्षता र मोरङ जिल्ला खेलकुद विकास समितिका अध्यक्ष सुरज बहादुर श्रेष्ठको विशेष उपस्थितिमा सम्पन्न भेलाबाट उक्त समिति गठन गरिएको हो।
समितिको अध्यक्षमा रेवती रमण दाहाल चयन भएका छन् भने याबुक राई उपाध्यक्ष, दिनेश पौडेल सचिव, र सीता श्रेष्ठ कोषाध्यक्ष चयन भएका छन्।
त्यसैगरी समितिका सदस्यहरूमा सञ्चिता भुजेल, लैन बहादुर योञ्जन, मोहम्मद तारीक अनुवर, प्रेमनाथ माझी र वेद प्रकाश दाहाल सर्वसम्मत रूपमा चयन भएका छन्।
सो अवसरमा बोल्दै अरुण तिमल्सिनाले मोरङमा डजबलको सम्भावना उच्च रहेको उल्लेख गर्दै नवगठित समितिलाई संघीय कार्ययोजनाअनुसार सक्रिय र परिणाममुखी गतिविधिमा जुट्न सुझाव दिए।
भेलाले मोरङ जिल्लाभित्र डजबल खेलको आधार विस्तार गर्दै स्थानीय स्तरमा प्रतियोगिता, तालिम तथा जनचेतनामूलक कार्यक्रमहरु सञ्चालन गर्ने प्रतिबद्धता व्यक्त गरेको छ।
