०५, श्रावण काठमाडौं। पहिरोले त्रिशुली नदीमा खसाएको दुई बस र त्यसमा भएकाे यात्रुहरुको खोजतलास तथा उद्धार कार्यमा सहयोग गर्न भारत बाट भारतीय नेशनल डिजास्टर रेस्पोन्स फोर्स नामक उद्धार टोली आएको छ। फोर्सको १२ सदस्यकाे उद्धार टोली र नेपालका सुरक्षा निकायको टोलीसहित खोजतलास काे कार्य झन तीव्र गतिमा सुरु हुनेभएको छ।
भारतीय टोलीमा ४ गोताखोर र अन्य ८ प्राविधिक रहेकाे र शो टोलीले खोजतलास काे कार्यमा ७ दिन सम्म सहयोग गर्ने छन भने टोलीसँग ३ वटा सोनार क्यामेरा रहेको चितवनका प्रमुख जिल्ला अधिकारी इन्द्रदेव यादवले बताएका छन।
गत शुक्रवार असार २८ मा पहिरोले दुई बसमा ६५ जना यात्रु मध्य ६२ जना लाई नदीमा खसालेको थियो भने ३ जना यात्रुले बस बाट जसोतसो गरी हामफालेर आफ्नो ज्यान सुरक्षित गरेका थिए।
अहिले सम्म उद्धारमा खटिएका टोलीहरुले २५ वटा शव भेटाएको छ र अन्य ३७ जना यात्रुहरुको खोजीकार्य भइरहेको छ। भेटिएका शव मध्य ८ काे पहिचान अझै हुनसकेको छैन भने १७ यात्रुहरुको शव पहिचान पछ्यात आफन्तहरूले बुझिलिएको डिएसपी भेशराज रिजालले जानकारी दिएका छन।
हालसम्म भेटिएको शव मध्य ४ जना भारतीय नागरिक भएकाे पुष्टि भएको छ भने अझै ५ जना भेटिएको छैन। दुर्घटनामा ९ जना भारतीय नागरिकहरु परेका थिए।
