श्रावण ०५, काठमाडौं। कहिले नक्कली डाक्टर त कहिले नक्कली इन्जिनियर भनी सोझा साझा जनतालाई ठगी गर्ने व्यक्तीहरु पक्राउ परिरहेको नै हुन्छन तर नक्कली प्रहरी त्यै माथी डिएसपी दर्जाको व्यक्ती अहिले नेपाल प्रहरीको फन्दामा परेको छ।
जिल्ला दैलेख नारायण नगरपालिका वडा नंं ५ बस्ने वर्ष ३० नैन सिंह बि.क ले विगत ३ महिना देखी बाँके जिल्लाका विभिन्न सरकारी कार्यालयहरुमा गई आफु सि.आइ.बी प्रहरीको र राष्ट्रिय अनुसन्धानकाे डिएसपी हुँ भनी आफूलाई नविन शाही नाम भनी चिनाउँदै आएका थिए।कार्यालयको प्रमुख र कर्मचारीहरु सँग भेटने कुराकानी गर्ने र सर्वसाधारणलाई ठगी गर्ने गरेका सूचना प्राप्त भएपछि निजको खोजतलास गर्दै जाने क्रममा मिति २०८१/०४/०१ गते बाँके, कोहलपुर नगरपालिका वडा नंं ११ एन.टी.भी रोड स्थित नेपाल प्रहरी, जिल्ला प्रहरि कार्यालय, बाँके बाट खटिएको टोलीले निजलाई फेला पारी नियन्त्रणमा लिई थप अनुसन्धान कार्य भइरहेको छ।
