काठमाडौं।
अखिल नेपाल टेबलटेनिस संघको आयोजनामा सञ्चालन गरिएको क्याडेट तथा जुनियर विन्टर क्याम्प आइतबार सम्पन्न भएको छ।
पुस २० गतेदेखि माघ ४ गतेसम्म लैनचौरस्थित राष्ट्रिय टेबलटेनिस प्रशिक्षण केन्द्रमा आयोजित क्याडेट तथा जुनियर विन्टर क्याम्पमा देशभरबाट छनोट भएका २७ जना प्रशिक्षार्थी खेलाडीहरूको सहभागिता रहेको थियो।
क्याम्प अवधिभर खेलाडीहरूलाई टेबलटेनिसका मुख्य प्रशिक्षक मोहनदास बासुकला, रविना महर्जन तथा दीक्षा दाहालले प्रशिक्षण दिएका थिए।
क्याम्प समापन अवसरमा संघका अध्यक्ष वृजेन्द्रबहादुर हमाल र महासचिव कुवेरप्रकाश सिंहले सहभागी खेलाडीहरूलाई प्रमाणपत्र वितरण गरेका थिए।
