Day: May 11, 2024

आधुनिक जीवनशैलीसंगै मानिसहरूमा मोटोपनाको समस्या बढ्दो क्रममा छ । विकसित राष्ट्रहरूमा मात्र नभई नेपाल जस्तो विकासन्मुख देशमा पनि यो समस्या गम्भीर रूपमा बढिरहेको देखिन्छ । मानिस स्वस्थ तथा निरोगी रहनको लागि आफ्नो तौल नियन्त्रणमा राख्न अति आवश्यक हुन्छ । मोटोपनाले विभिन्न रोग जस्तै मधुमेह , उच्चरक्तचाप ,मुटुरोग, दम , क्यान्सर,पित्तको पत्थरी ,हाडजोर्नीको समस्या आदि हुने जोखिम बढाउॅछ । अत्याधिक तौलका कारण महिला तथा पुरूषमा निसन्तापनको समस्या बढिरहेको देखिन्छ । बढ्दो तौलका कारण व्यक्तिहरूमा मानसिक समस्याहरू पनि उत्पन्न हुन सक्छ र मोटोपनाका कारण मानिसको आत्मविश्वासमा पनि कमि आउने गरेको पाईन्छ । मोटोपनाले यस किसिमका थुप्रै समस्या उत्पन्न गरी मान्छेको जिवनलाई कष्टदायक…

सर्लाही : सर्लाहीमा श्रीमानलाई करेन्ट लागेर जोगाउन जाँदा श्रीमतीको करेन्ट लागेर मृत्यु भएको छ । ईश्वरपुर नगरपालिका-९ रामनगर बस्ने २८ वर्षीया कुसुम देवी महतोको करेन्ट लागेर शुक्रबार राति मृत्यु भएको हो । घर अगाडि ११ हजार भोल्टको तारमा वाइफाईको तार बेरिएर भुईँमा झरेको अवस्थामा तारलाई कुसुमको श्रीमान् ३४ वर्षीय रम्भा महतोले उठाउने क्रममा करेन्ट लागेको थियो । सो देखेपछि कुसुमले छुटाउन खोज्दा दुवै जना करेन्ट लागेर घाइते भएका थिए । घाइतेमध्ये कुसुमको सिद्धि विनायक अस्पतालमा उपचारको क्रममा मृत्यु भएको हो । साथै रम्भाको बयलबासस्थित अमृत हेल्थ केयरमा उपचार भइरहेको छ ।

सुर्खेत : छिन्चु–जाजरकोट सडक खण्डमा मोटरसाइकल दुर्घटना हुँदा एक जनाको मृत्यु भएको छ। आज शनिबार बिहान सवा ७ बजे जाजरकोट र सुर्खेतको सिमाना छेडाबजार नजिकै नेपालगञ्जबाट जाजरकोटतर्फ गइरहेको मोटरसाइकल र विपरीत दिशाबाट आउँदै गरेको कर्णाली प्रदेश ०३–००१ प ०३७९ नम्बरेको मोटरसाइकल एकआपसमा ठोक्किएका थिए। त्यसरी ठोक्किँदा नेपालगञ्जबाट गइरहेको मोटरसाइकल सडकबाट अन्दाजी १०० मिटर तल भेरी नदीमा खसेको थियो।उक्त मोटरसाइकल चालक रुकुम पश्चिमको चौरजहारी नगरपालिकाका ३० वर्षीय भुवन केसीको मृत्यु भएको कर्णाली प्रदेश प्रहरी कार्यालयले जनाएको छ।नदीमा खसेको मोटरसाइकल हालसम्म फेला नपरेकाले नम्बर खुलेको छैन।मृतकको शव भने नदी छेउमा फेला परेको प्रहरीले जनाएको छ।