काठमाडौं– विश्व योगासना च्याम्पियनसिप २०२४ को १६औं संस्करणमा सहभागी हुन नेपाली योगा टोली बिहीबार मलेसियाको क्वालालम्पुर प्रस्थान गरेको छ।
३१ खेलाडीसहित ४३ सदस्यीय नेपाली टोली प्रतियोगितामा सहभागिता जनाउन गएको हो। मलेसियामा अप्रिल ५ देखि ६ तारिखसम्म हुने यस प्रतियोगितामा नेपाली खेलाडीहरूले विभिन्न स्पर्धामा प्रतिस्पर्धा गर्नेछन्।
टोलीलाई राष्ट्रिय खेलकुद परिषद् (राखेप) का सदस्य–सचिव टंकलाल घिसिङले बिहीबार एक कार्यक्रमबीच बिदाइ गरे। नेपाली टोली राति ९:०० बजे उड्ने कार्यक्रम रहेको थियो।
