इटहरी। कोशी प्रदेश सभाका प्रवक्ता गौतमराज अमात्यलाई कोशी प्रदेशसभाको कायममुकायम (कामु) सचिवको जिम्मेवारी दिइएको छ। प्रदेशसभा सचिव गोपालप्रसाद पराजुली भ्रष्टाचार मुद्दामा दोषी ठहर भएपछि, सभामुख अम्बरबहादुर विष्टले अमात्यलाई उपसचिवबाट कामु सचिवको जिम्मेवारी दिएका हुन्।
बिहीबारको प्रदेशसभा बैठकमा अमात्यले सचिवको जिम्मेवारी निर्वाह गरेका छन्। पराजुलीले पशुपतिको जग्गामा बालुवाखानी सञ्चालन गर्दा अनियमितता गरेको मुद्दामा दोषी ठहरिएपछि उनको पद खोसिएको हो।
निजामति सेवाबाट अवकास लिएका अमात्य २०७६ साल वैशाख १२ गते कोशी प्रदेशसभाको सचिव नियुक्त भएका थिए। त्यसपछि २०८१ वैशाख ९ गतेदेखि दोस्रो कार्यकालका लागि पराजुली सचिव नियुक्त भएका थिए।
यसैबीच, कोशी प्रदेशसभाको बिहीवारको बैठकमा कोशी प्रदेश खानेपानी र सरसफाइ सम्बन्धी व्यवस्थापन विधेयकको सैद्धान्तिक छलफलमा उठेका प्रश्नहरूको जवाफ खानेपानी, सिंचाइ र उर्जा मन्त्री एकराज कार्की र प्रदेश भवन ऐन २०७६ संशोधन विधेयकमाथि उठेका प्रश्नहरूको जवाफ भौतिक पूर्वाधार विकास मन्त्री भूपेन्द्र राईले दिएका छन्।
