काठमाडौँ – ग्रेड हिमालयन क्रिकेट एकेडेमीले केसीए यू-१४ क्रिकेट प्रतियोगितामा उपाधि जितेको छ। सोमबार सम्पन्न फाइनल खेलमा हिमालयनले ओएसिस क्रिकेट एकेडेमीलाई ६० रनले हराउँदै च्याम्पियन बनेको हो।
हिमालयनले ९७ रनको लक्ष्य राख्दा ओएसिस क्रिकेट एकेडेमी १७.५ ओभरमा सबै विकेट गुमाउँदै ३६ रन मात्र बनाउन सक्यो। ओएसिसका लागि गञ्चाङ मिश्र र आरोन जङ्ग गिरिले समान ११ रन बनाए।
पहिले ब्याटिङ गरेको हिमालयनको टिममा तपेन्द्र विष्टले २६ रन र सुलभ न्यौपानेले १५ रनको योगदान दिए।
उपाधिसँगै हिमालयनले ५० हजार रुपैयाँसहित ट्रफी र मेडल प्राप्त गर्यो भने उपविजेता ओएसिसले ३० हजार रुपैयाँ पुरस्कार प्राप्त गर्यो।
प्रतियोगिताको विशेष पुरस्कारमा हिमालयन ए का सौगात धामीले १० विकेट लिएर ‘वेस्ट बलर’को पुरस्कार जिते, केबीन दैलिएलले ‘वेस्ट ब्याटर’को अवार्ड प्राप्त गरे, र जयन्द्र विष्टले ‘प्लेयर अफ द सिरिज’को अवार्ड जिते। यी तीनै खेलाडीलाई समान ५ हजार रुपैयाँ पुरस्कार दिइयो।
प्रतियोगिताको समापन समारोहमा नेपाल क्रिकेट संघ क्यानका अध्यक्ष चतुरबहादुर चन्द र उपाध्यक्ष रोशनकुमार सिंह प्रमुख अतिथिका रूपमा उपस्थित थिए। समापन अवसरमा काठमाडौं क्रिकेट एकेडेमीको उद्घाटन पनि गरिएको थियो।
यसैगरी, भंगाल नगरपालिकाका मेयर संजिव शाह, नेपाली राष्ट्रिय क्रिकेट टिमका सदस्य आसिफ शेख लगायत अन्य विशिष्ट अतिथिहरूको उपस्थिति थियो।
