नेपालकी यु-१९ महिला क्रिकेट टोलीकी कप्तान पूजा महतो आईसीसी यु-१९ महिला विश्वकप २०२५ को ‘टिम अफ द टुर्नामेन्ट’मा समावेश भएकी छिन्। यससँगै उनी एसोसिएट राष्ट्रबाट चयन हुने एक मात्र खेलाडी बनी इतिहास रचिन्।
आईसीसी यु-१९ महिला विश्वकप २०२५ को समापन पछि, अन्तर्राष्ट्रिय क्रिकेट परिषद (आइसिसी) ले ‘टिम अफ द टुर्नामेन्ट’मा चयन भएका १२ खेलाडीको नाम सार्वजनिक गरेको हो। यसमा नेपालबाट पूजा महतो पनि समावेश भएकी छन्।
नेपालले पहिलो पटक यु-१९ महिला विश्वकप खेल्ने अवसर पाएको थियो, र यद्यपि नेपाल समूह चरणबाट बाहिरिएको थियो, पूजा महतोको व्यक्तिगत प्रदर्शन धेरै उत्कृष्ट रह्यो। उनले १४.३ ओभर बलिङ गर्दै ६३ रन खर्चेर ९ विकेट लिई आफूलाई उत्कृष्ट खेलाडीको रूपमा प्रमाणित गरिन्।
आईसीसी यु-१९ महिला टी-२० विश्वकप २०२५ टिम अफ द टुर्नामेन्ट पर्न सफल खेलाडी हरु,पूजा महतो (नेपाल) जी त्रिषा (भारत), जेम्मा बोथा (दक्षिण अफ्रिका), दाविना पेरिन (इङ्ल्यान्ड), जी कमलिनी (भारत), काओइम्हे ब्रे (अष्ट्रेलिया), कायला रेनेके (क) (दक्षिण अफ्रिका), क्याटी जोन्स (विकेटकीपर) (इङ्ल्यान्ड), आयुषी शुक्ला (भारत), चमोडी प्रभोदा (श्रीलंका), वैष्णवी शर्मा (भारत), नथाबिसेन्ग निनी (दक्षिण अफ्रिका)
