२०८१ असोज २५। प्रतीक्षित फिफा यू-१७ महिला विश्वकप डोमिनिकन गणराज्य २०२४ को सम्पूर्ण १६ टिमको सूची घोषणा भइसकेको छ। विश्वभरका ३३६ उदीयमान खेलाडीहरू यस प्रतिष्ठित प्रतियोगितामा प्रतिस्पर्धा गर्न तयार छन्, जसको सुरुवात अक्टोबर १६ मा हुँदैछ र समापन नोभेम्बर ३ मा हुनेछ।
यो प्रतियोगिताको आठौं संस्करण डोमिनिकन गणराज्यमा आयोजना हुने पहिलो फिफा कार्यक्रम हुनेछ। यी युवा खेलाडीहरू विभिन्न राष्ट्रको प्रतिनिधित्व गर्दै स्पेनले दुई वर्षअघि भारतमा जितेको प्रतिष्ठित उपाधिको लागि प्रतिस्पर्धा गर्नेछन्।
प्रतियोगितामा ब्राजिल, स्पेन र अमेरिका जस्ता बलिया राष्ट्रहरूले भाग लिनेछन् भने इक्वेडर, केन्या, र पोल्यान्डले पहिलो पटक प्रतियोगितामा आफ्नो उपस्थिती जनाउनेछन्। यस प्रतियोगिताबाट पहिल्यै चम्किसकेका खेलाडीहरू जस्तै कोलम्बियाकी लिन्डा काइसेडो, स्पेनकी काता कोल, र जापानकी मना इवाबुचिलाई आदर्शको रूपमा लिनेछन्।
टिमहरूको पूर्ण सूची यहाँ देख्न सकिन्छ: https://fdp.fifa.org/assetspublic/ce171/pdf/SquadLists-English.pdf
यो संस्करण अन्तिम पटक १६ टिमबीच हुनेछ, किनभने अर्को संस्करण मोरक्कोमा २४ टिमबीच हुने छ।
खेलहरू सान्तो डोमिङ्गो र सान्टियागो डे लस काबालेरोसमा हुनेछन्, जहाँ समर्थकहरूले विश्वभरका भावी फुटबल स्टारहरूबाट रोमाञ्चक प्रदर्शनहरूको प्रतीक्षा गरिरहेका छन्। प्रतियोगिताका टिकटहरू फिफाको आधिकारिक वेबसाइटमा उपलब्ध छन्।
कारिबियनमा संसारका उत्कृष्ट युवा खेलाडीहरू आफ्नो सपना पूरा गर्न र प्रतिष्ठित उपाधि उठाउन तयार हुँदैछन्।
