काठमाडौं – कलाकार भिसामा क्यानडा, अष्ट्रेलिया तथा युरोपेली देशहरूमा पठाइदिन्छु भन्दै रकम ठगी गरेको अभियोगमा काठमाडौं महानगरपालिका-४ धुमबाराही बस्ने ललितपुर धापाखेल घर भएका ४० वर्षीय सुलेमान शंकर (ईकु) भन्ने सूर्यमान शंकरलाई मंगलबार प्रहरीले पक्राउ गरेको छ।
उनीले एसएमएस फिल्म्स प्रालिको नाममा ग्लोबल आइएमई बैंकको खातामा पीडितहरूबाट प्रति व्यक्ति १५ देखि २० लाख रूपैयाँ सम्म जम्मा गर्न लगाएर सम्पर्कविहीन भएका थिए। केन्द्रीय अनुसन्धान ब्यूरोबाट खटिएको प्रहरी टोलीले उनलाई काठमाडौं हात्तीगौंडाबाट पक्राउ गरेको हो।
सुलेमान शंकर (ईकु) फिल्म जगतमा एक सफल कलाकारका रूपमा चिनिन्छन्। नेपाली दर्शकहरूले मन पराएका हाँस्य टेलिश्रृंखला “मेरी बास्सै” मा ईकु नामक भूमिकाका लागि उनले व्यापक लोकप्रियता प्राप्त गरेका थिए।
उनीविरुद्ध काठमाडौं जिल्ला अदालतबाट ५ दिन म्याद थप अनुमति लिई यस सम्बन्धमा आवश्यक अनुसन्धान गरिरहेको छ।
श्रोत: नेपाल प्रहरी
Follow Elite News at 
Facebook: https://www.facebook.com/profile.php?id=61562033017398 Instagram: https://www.instagram.com/elitenewsnepal/ YouTube: https://www.youtube.com/@elitenewsnepal
