चर्चित गायक नवराज घोरासैनी, अर्जुन तिमल्सिना र वर्षा दासको स्वरमा ‘बैना मारौकी’ गीत सार्वजनिक।

काठमाडौँ। चर्चित गायक नवराज घोरासैनी, अर्जुन तिमल्सिना र वर्षा दासको स्वर रहेको बहुप्रतिक्षित नेपाली लोक दोहोरी गीत ‘बैना मारौकी’ सार्वजनिक भएको छ।

गीतले रिलिज भएको एक दिनमै राम्रो प्रशंसा बटुलेको छ। राम खत्री र नवराज घोरासैनी को शब्द तथा संगीत रहेको गीतमा कमल सौरागको संगीत संयोजन रहेको छ। सो गीत मिलन श्रेष्ठले निर्देशन गरेका छन् भने गीतको म्युजिक भिडियोमा जेनी कुईन (शर्मिला), सोनिका प्रिन्सेस (दुर्गा) र महेश उपाध्यायले अभिनय गरेका छन्।

नवराज घोरासैनीले झिल झिल मोटर कार, घुम्ती निर लटे भयो, तिहाराई रमाइलो, जाडो महिना जस्ता हिट गीतका लागि चर्चित छन्। नेपाली सांगीतिक क्षेत्रमा लामो समयदेखि उनी निकै लोकप्रिय छन्।

गायककार अर्जुन तिमल्सिनाले लिसांखु ग्यान्दाढा, साउदी कतार मा, फुल फुले छ , गोरी गोरी को, होनी माया मलेशियामा, जस्ता लोकप्रिय गीतहरु मार्फत तिमल्सिनाले दर्शकहरुलाई मोहित बनाउँदै आएका छन्। उनी नेपालमा गायककार मात्र नभई अभिनेता, निर्माता र गीतकार पनि हुन्।

गायिका बर्षा दास, पिडा, अर्को साल माइती जाउँला सँगै रमौला, र प्रतिक्षामा अलझिराहेको छु लगायतका उनको भावपूर्ण हिट गीतहरूका लागि परिचित छिन्।