काठमाण्डौं। गायिका रीता श्रेष्ठको पछिल्लो गीत ‘हातैमा चुरा छन छन’ औपचारिक रुपमा सार्वजनिक भएको छ। समिर राईको शब्दमा आदेश गुरुमचनले संगीत दिएका गीतमा मायाको सारलाई जीवन्त र हृदयस्पर्शी ढंगले समेटिएको छ, सशक्त लयका साथ समृद्ध धुन मिसाइएको छ।
अनुप डगोलले निर्देशन तथा कोरियोग्राफी गरेको उक्त म्युजिक भिडियोमा मोडल समिक्षा पोखरेल र एस राज गराचले गीतको रोमान्टिक विषयवस्तुलाई पूरा गर्ने आकर्षक प्रस्तुतिहरू प्रस्तुत गरेका छन्। विजय राज भुर्तेलको छायाँकन र सम्पादनले गीतको भावनात्मक बारीकतालाई पर्दामा जीवन्त पार्दै परिष्कृत भिजुअल टच थपेको छ।
‘तिम्रो हिस्सी मुहारले’ ‘सल्लेरी पर्खाइमा’ ‘सपनामा भएपनि’ जस्ता हिट गीतका लागि परिचित रीता श्रेष्ठले आफ्नो मनमोहक स्वर र समयहीन भावनालाई संगीतमा समेट्ने क्षमताले श्रोताहरूलाई मन्त्रमुग्ध गरिरहेकी छिन् । ‘हातैमा चुरा छन छन’ मार्फत उनले आफ्नो बढ्दो हिट क्याटलगमा अर्को सुन्दर थपेकी छन्।
Follow Elite News at 
Facebook: https://www.facebook.com/profile.php?id=61562033017398 Instagram: https://www.instagram.com/elitenewsnepal/ Youtube: https://www.youtube.com/@EliteNews-Nepal
