काठमाडौँ, कार्तिक १५ गते । इजरायल र हमासबिच युद्धको आज २६ औँ दिन हो । यसैबिच मङ्गलवार राति इजरायलले उत्तरी गाजको सबैभन्दा ठुलो जबालिया रिफ्युजी क्याम्पमा आक्रमण गरेको छ । सो आक्रमणमा हमासको सिनियर कमान्डर इब्राहिम बियारी सहित ५० लडाकुहरू मारिएको इजरायलले दाबी गरेको छ ।
विभिन्न मानवीय समूहहरूले जबलिया शरणार्थी शिविरमा इजरायलको आक्रमणको निन्दा गरेका छन् । उनीहरूले गाजामा घातक हवाई आक्रमण रोक्न तथा युद्ध विराम सुरक्षित गर्न विश्व नेताहरूलाई आव्हान गरेका छन् ।
मङ्गलवारको आक्रमणबाट नजिकैको इन्डोनेसियाली अस्पतालका निर्देशकले कम्तीमा ५० जनाको ज्यान गएको र धेरै घाइते भएको बताएका छन्। त्यस्तै एउटा अल जजीरा प्रसारण इन्जिनियरले आफ्नो परिवारका १९ सदस्य गुमाएको जानकारी हुन आएको छ ।
प्यालेस्टाइनी स्वास्थ्य मन्त्रालयका प्रवक्ताले अल-शिफा र इन्डोनेसियाका अस्पतालहरू आफ्ना जेनरेटरहरू पावर गर्न इन्धन सकिनबाट “घण्टा टाढा” रहेको चेतावनी दिएका छन्।
प्यालेस्टिनी दूरसञ्चार कम्पनी पल्टेलले गाजामा फेरि सञ्चार र इन्टरनेट सेवा बन्द गरिएको जनाएको छ।
गाजाको सीमा एजेन्सीका अनुसार दर्जनौँ घाइते प्यालेस्टिनीहरूलाई बुधवार उपचारको लागि रफाह क्रसिङ हुँदै इजिप्टका अस्पतालहरूमा जाँदा बमबारी गरिएको अवस्था छ ।
इजरायली तथा हमासबिचको युद्धका कारण अक्टोबर ७ देखि गाजामा इजरायली आक्रमणमा कम्तीमा ८,५२५ प्यालेस्टाइनी मारिएका छन्। इजरायलमा १४०० भन्दा बढी मानिस मारिएका छन्।
