काठमाडौं ।
दोस्रो प्रहरी महानिरीक्षक राष्ट्रिय तेक्वान्दो प्रतियोगिता–२०८२ मा तारकेश्वर नगरपालिकाको प्रतिनिधित्व गर्दै टिम द्वितीय हुन सफल टिम मेनेजर, प्रशिक्षक तथा खेलाडीहरूलाई तारकेश्वर नगरपालिकाले सम्मान गरेको छ।
नगरपालिकाको सभा हलमा आयोजित कार्यक्रममा मेयर कृष्णहरि महर्जन, प्रमुख प्रशासकीय अधिकृत धर्मराजराज लम्साल, वडा नं. २ का अध्यक्ष एवं नगर प्रवक्ता राजकृष्ण खड्गी, प्रशासकीय शाखा प्रमुख शम्भुप्रकाश शर्मा र कानुनी सल्लाहकार रामहरि नेपालले टोलीलाई सम्मान गरे।
मेयर महर्जनले पुस २० र २१ गते सम्पन्न प्रतियोगितामा सहभागी सबै खेलाडी तथा अफिसियलहरूको सम्पूर्ण आर्थिक खर्च नगरपालिकाले व्यहोरेको जानकारी दिँदै भविष्यमा यी खेलाडीहरूबाट राष्ट्रिय टोलीमा स्थान बनाउने खेलाडीलाई तारकेश्वर नगरपालिकाको ब्रान्ड एम्बेस्डर तोक्ने र विद्यालयमा शतप्रतिशत शुल्क छुटको व्यवस्था गरिने बताए।
कार्यक्रम तारकेश्वर नगर खेलकुद विकास समितिका अध्यक्ष विक्रम खड्गीले सञ्चालन गरेका थिए।
