काठमाडौं ।तेस्रो काष्ठमण्डप कपअन्तर्गत बास्केटबल र फुटसलतर्फ फाइनल समीकरण पूरा भएको छ।
बास्केटबलको गल्र्सतर्फ आयोजक काष्ठमण्डप विद्यालय ‘ए’ र दीक्षालय फाइनलमा प्रवेश गरेका छन्। मण्डिखाटारस्थित घरेलु कोर्टमा भएको सेमिफाइनल खेलमा काष्ठमण्डप ‘ए’ ले इम्पेरियल वर्ल्डलाई ३३–७ ले पराजित गर्यो। अर्को सेमिफाइनलमा दीक्षालयले मातृभूमिलाई १९–१३ ले हराउँदै उपाधि भिडन्त पक्का गर्यो।
ब्वाइजतर्फ टीआईए र मातृभूमि फाइनलमा पुगेका छन्। टीआईएले बूढानीलकण्ठलाई ४४–२० ले पराजित गर्दा मातृभूमिले मल्पी सिटीमाथि ६०–३७ को जित दर्ता गर्यो।
फुटसलको सिनियर ब्वाइजतर्फ मातृभूमि फाइनलमा पुगेको छ। सेमिफाइनलमा मातृभूमिले द एक्सेल्सियर स्कुललाई टाइब्रेकरमा ३–२ गोलले पराजित गर्यो। निर्धारित समयको खेल १–१ गोलको बराबरीमा सकिएको थियो। फाइनलमा मातृभूमिले वेदव्याससँग प्रतिस्पर्धा गर्नेछ।
जुनियर ब्वाइज फुटसलतर्फ काष्ठमण्डप ‘ए’ र विद्यावाणी पाठशाला फाइनलमा पुगेका छन्। काष्ठमण्डप ‘ए’ ले पुष्पाञ्जलीलाई ३–० ले हरायो भने विद्यावाणीले एक्सेल्सियरलाई १–० ले पराजित गर्यो। सिनियर गल्र्स फुटसलमा रातो बंगला र एभीएम उपाधिका लागि आमनेसामने हुनेछन्।
